Тошкент, Ўзбекистон (UzDaily.uz) — 2025 йилнинг дастлабки олти ойида Ўзбекистонда 188,7 мингта маиший кир ювиш ва қурутиш машиналари ишлаб чиқарилди.

Миллий статистика қўмитаси маълумотларига кўра, бу кўрсаткич ўтган йилнинг шу даврига нисбатан 0,5 мингтага кўпдир.

Январь–июнь ойлари бўйича маиший техника ишлаб чиқариш динамикаси йиллар кесимида қуйидагича кўриниш олган: 2023 йилда — 233,4 мингта, 2024 йилда — 188,2 мингта, 2025 йилда эса — 188,7 мингта машина ишлаб чиқарилган.