Тошкент, Ўзбекистон (UzDaily.uz) — Ўзбекистонда пахта ипи экспорти учун янги йиғим ставкалари жорий этилди.

Тегишли қоидалар Президент Шавкат Мирзиёевнинг «Бизнес учун тенг шарт-шароитларни таъминлаш ва ҳалол рақобат муҳитини шакллантиришга оид қўшимча чора-тадбирлар тўғрисида»ги фармонида белгиланган.

Ҳужжатга мувофиқ, 2025 йил 1 январдан бошлаб пахта ипи экспорти учун йиғим ҳар килограммнинг экспорт қийматидан 2 % миқдорида ундирилади, бироқ $0,05 дан ошмайди.

Шунингдек, трикотаж мато экспорти учун йиғим ҳар килограммнинг экспорт қийматидан 1% миқдорида белгиланган.

Эслатиб ўтамиз, 2023 йил бошидан бошлаб пахта ипи ва трикотаж мато экспорти учун белгиланган йиғим ҳар килограмм учун $0,1 даражасида эди.