Ўзбекистонда ҳар 1 км² майдонга 84,8 нафар аҳоли тўғри келади

Тошкент, Ўзбекистон (UzDaily.uz) — 2025 йил 1 октябрь ҳолатига кўра, Ўзбекистонда аҳоли зичлиги ўртача ҳар бир квадрат километрга 84,8 нафар кишини ташкил этди. Бу ҳақда Миллий статистика қўмитаси маълум қилди.

Бу кўрсаткич ўтган йилнинг мос даврига нисбатан 1,6 кишига ортган.

Қиёслаш учун: 2021 йилда ҳар 1 км² майдонга 78,1 нафар, 2022 йилда — 79,8 нафар, 2023 йилда — 81,5 нафар, 2024 йилда эса — 83,2 нафар аҳоли тўғри келган.

Маълумотлар мамлакатда аҳоли зичлигининг барқарор ўсишини кўрсатмоқда.