Ўзбекистонда 2025 йилнинг саккиз ойида 284 мингдан ортиқ енгил автомобил ишлаб чиқарилди

Тошкент, Ўзбекистон (UzDaily.uz) — Ўзбекистонда 2025 йил январь–август ойларида 284 352 дона енгил автомобил ишлаб чиқарилди, бу ўтган йилнинг шу даврига нисбатан 9,18 фоизга кўп эканини Миллий статистика қўмитаси маълум қилди.

Мамлакатнинг энг йирик автомобил ишлаб чиқарувчиси UzAuto Motors саккиз ойда 99 013 дона Cobalt моделини ишлаб чиқарди, бу ўтган йилга нисбатан 2,98 фоизга кам. Damas ишлаб чиқариш ҳажми 57 882 дона (2,8 фоизга пасайиш), Tracker (29930) модели 26 385 дона (9,02 фоизга ўсиш), Onix модели эса 20 241 дона бўлиб, ўтган йилга нисбатан 6,32 фоизга камайди.

Республикада ишлаб чиқарилаётган бошқа брендлар орасида ўсиш кузатилди: 5 909 дона Chery (13,85 фоизга ўсиш), 17 166 дона KIA (34,16 фоизга ўсиш), 5 303 дона Haval (ўтган йилга нисбатан 3,81 баравар кўп) ва 12 930 дона BYD (51,93 баравар ўсиш) ишлаб чиқарилди. Илк бор статистикада 42 дона Tank 500 йўлтанламаси ишлаб чиқарилгани қайд этилди.

Бундан ташқари, ҳисобот даврида мамлакатда 35 936 дона махсус енгил автомобил ишлаб чиқарилиб, бу кўрсаткич ўтган йилга нисбатан 2,07 баравар юқори бўлди.