Тошкент, Ўзбекистон (UzDaily.uz) —Ўзбекистон Республикаси Инвестициялар, саноат ва савдо вазири ўринбосари Илзат Касимов “Марказий Осиё – Хитой” саноат ва инвестициявий ҳамкорликнинг ИИ форумида иштирок этди.

Форум Қозоғистоннинг Остона шаҳрида бўлиб ўтди ва Марказий Осиё мамлакатлари ҳамда Хитойнинг ҳукумат вакиллари ва бизнес доираларини бирлаштирди. Тадбирда иқтисодий ҳамкорликни чуқурлаштириш, қўшма ишлаб чиқаришларни йўлга қўйиш ва стратегик соҳаларга инвестициялар жалб этиш масалаларига алоҳида эътибор қаратилди.

Ўз нутқида Илзат Касимов Хитойни Ўзбекистоннинг муҳим савдо ҳамкори ва стратегик инвестори сифатида таъкидлаб, минтақавий ҳамкорликни чуқурлаштириш зарурлигини қайд этди. У Ўзбекистоннинг машинасозлик, кимё, озиқ-овқат ва тўқимачилик саноати каби йўналишларда ҳамкорлик қилишга очиқлигини билдирди. Ушбу соҳаларда салоҳиятни бирлаштириш глобал етказиб бериш занжирларида муносиб ўрин эгаллаш ва минтақада барқарор ўсишни таъминлашга хизмат қилади.

Форум доирасидаги панель сессияларда рақамли трансформация, логистика ривожи, агросаноат ва металлургия соҳаларидаги ҳамкорлик масалалари муҳокама қилинди.

Форум B2B ва B2G форматидаги учрашувлар билан якунланди. Унда томонлар белгиланган лойиҳаларни амалга ошириш бўйича аниқ амалий чораларни муҳокама қилдилар.