Ўзбекистон ва Хорватия ҳамкорликни кенгайтириш масалаларини муҳокама қилишди

Тошкент, Ўзбекистон (UzDaily.uz) — 28 ноябрь куни Ўзбекистон ташқи ишлар вазири ўринбосари Музаффар Мадраҳимов Хорватиянинг Ўзбекистондаги Фавқулодда ва Мухтор Элчиси (ресиденцияси Остона шаҳрида) Рефик Шабанович билан учрашув ўтказди.

Учрашувда сиёсий мулоқотни янада ривожлантириш, савдо-иқтисодий, инвестициявий ва маданий-гуманитар ҳамкорликнинг долзарб масалалари ва истиқболлари муҳокама қилинди. 2026 йил учун қўшма тадбирлар режалари кўриб чиқилди.

Томонлар ўзаро манфаатли ўзбек-хорват алоқаларини кенгайтириш мақсадида яқин ҳамкорликни давом эттиришга келишиб олдилар, жумладан делегациялар ташрифлари алмашинуви, ташқи ишлар вазирликлари ўртасидаги сиёсий маслаҳатлашувлар, Ҳукуматлараро комиссия йиғилиши ва бошқа тадбирларни ўтказиш юзасидан келишувга эришилди.