Ўзбекистон ва Хитой стратегик шерикликни ривожлантириш масалаларини муҳокама қилишди

Тошкент, Ўзбекистон (UzDaily.uz) — 1 апрель куни Ўзбекистон Республикаси Инвестициялар, саноат ва савдо вазири Лазиз Кудратов Хитой Халқ Республикаси Давлат кенгаши ҳузуридаги Тараққиёт тадқиқотлари маркази директори Лу Хао билан учрашди.

Музокаралар давомида томонлар Ўзбекистон ва Хитой муносабатлари мисли кўрилмаган юқори даражага кўтарилганини ҳамдаянги даврдаги барча шароитларда ҳар томонлама стратегик шериклик хусусиятига эга эканлигини алоҳида таъкидладилар.

Савдо-иқтисодий ва инвестициявий ҳамкорлик самарадорлигини ошириш мақсадида эксперт-таҳлилий алоқаларни янада чуқурлаштириш муҳимлиги қайд этилди.

Яшил энергетика, саноат, сувни тежаш ва бошқа устувор соҳаларда амалий ҳамкорликнинг истиқболли йўналишлари муҳокама қилинди.

Учрашув якунлари бўйича биргаликда ечимлар ишлаб чиқиш ҳамда муҳим йўналишларда икки томонлама алоқаларни мустаҳкамлашга қаратилган тизимли шерикликни йўлга қўйишдан ҳар икки томон ҳам манфаатдор эканлиги таъкидланди.

2025 йилда Ўзбекистон ва Хитой ўртасидаги товар айирбошланиши 17,8 миллиард долларга етди. 2026 йилнинг январь-февраль ойлари ҳолатига кўра, ўзаро савдо ҳажми 3,19 миллиард долларни ташкил этди. Шу билан бирга, экспорт кўрсаткичлари 13 фоизга ўсди.