Тошкент, Ўзбекистон (UzDaily.uz) — Ўзбекистон Республикаси ташқи ишлар вазири Бахтиёр Саидов Туркманистон Министрлар Маҳкамаси раисининг ўринбосари, ташқи ишлар вазири Рашид Мередов билан музокаралар ўтказди.

Бахтиёр Саидов ўзининг Telegram-каналида хабар беришича, учрашув комплекс тусда ўтиб, икки томонлама ва кўп томонлама ҳамкорликнинг кенг қамровли масалаларини ўз ичига олган.

Томонлар икки қардош давлат ўртасидаги стратегик шерикликни янада мустаҳкамлашга алоҳида эътибор қаратдилар.

Музокаралар давомида турли соҳаларда ҳамкорликни ривожлантириш учун янги имкониятлар муҳокама қилиниб, ўзаро алоқаларни чуқурлаштириш ва ўзаро фаровонликка эришишга қаратилган умумий интилишлар акс эттирилди.