Тошкент, Ўзбекистон (UzDaily.uz) — Ўзбекистон Республикаси Адлия вазирлиги ҳамда Сингапур ҳуқуқ вазирлиги ўртасида 2025–2026 йиллар учун ҳамкорлик дастури имзоланди.

Сингапурда бўлиб ўтган учрашувда Ўзбекистон Республикаси адлия вазири ўринбосари Ш. Рабиев бошчилигидаги делегация Сингапур ҳуқуқ вазирлиги билан музокаралар олиб борди.

Учрашувда икки давлат ўртасидаги ҳамкорлик алоқалари, 2021 йилда имзоланган ўзаро Англашув меморандуми доирасида амалга оширилган ишларга юқори баҳо берилди ҳамда ҳамкорликни янада мустаҳкамлаш масалалари муҳокама қилинди.

2025-2026 йиллар учун янги имзоланган Ҳамкорлик дастури қуйидагиларни қамраб олади:

• юридик кадрларни қайта тайёрлаш ва малакасини ошириш;

• халқаро тижорат низоларини ҳал этиш ҳамда Сингапур Медиация Конвенцияси бўйича тажриба алмашиш;

• давлатлар иштирокидаги халқаро низоларда ҳуқуқий ҳимоя масалалари;

• ҳуқуқ устуворлигини таъминлаш бўйича миллий ва халқаро тажриба;

• Цингапур Ҳуқуқий ёрдам бюроси ва Ўзбекистоннинг «Madad» ННТ фаолиятида тажриба алмашиш.

Мазкур дастур икки мамлакат ўртасидаги ҳуқуқий ҳамкорликни янги босқичга олиб чиқиши кутилмоқда.