Ўзбекистон ва Қозоғистон тоғ-кон саноати соҳасидаги ҳамкорликни муҳокама қилишди

Тошкент, Ўзбекистон (UzDaily.uz) — Жорий йилнинг 20 февраль куни Тоғ-кон саноати ва геология вазирлигида вазир B.Islamov Қозоғистон Республикасининг Ўзбекистондаги Фавқулодда ва Мухтор Элчиси Б. Атамкулов билан учрашув ўтказди.

Учрашувда икки мамлакат ўртасидаги тоғ-кон ва геология соҳасидаги ҳамкорликнинг жорий ҳолати ҳамда 2026 йилга мўлжалланган режалар муҳокама қилинди.

Томонлар геология қидирув ишлари, ер қаъридан фойдаланиш, кадрлар тайёрлаш ва қўшма лойиҳаларни амалга ошириш масалалари юзасидан фикр алмашдилар.