Ўзбекистон ва Proton автомобилсозлик саноатидаги янги лойиҳаларни муҳокама қилишди

Тошкент, Ўзбекистон (UzDaily.uz) — 10 ноябрь куни Инвестициялар, саноат ва савдо вазири Лазиз Кудратов “Proton Holdings” компанияси вице-президенти Айнол Азмил бин Абу Бакар билан учрашди.

“Proton Holdings” — Малайзиянинг миллий автомобилсозлик компанияси бўлиб, 1983 йилда мамлакатнинг биринчи миллий автомобиль бренди сифатида ташкил этилган. Компаниянинг бош офиси Селангор штатида жойлашган.

Музокаралар давомида Ўзбекистоннинг саноат салоҳиятини мустаҳкамлаш ва янги иш ўринларини яратишга қаратилган ҳамкорлик лойиҳаларини амалга ошириш ҳамда шериклик муносабатларини кенгайтириш истиқболлари муҳокама қилинди.