Тошкент, Ўзбекистон (UzDaily.uz) — Ўзбекистон Республикаси Ташқи ишлар вазири Бахтиёр Саидов Покистон сенатори, бош вазир ўринбосари ва ташқи ишлар вазири Муҳаммад Исҳоқ Дар билан телефон орқали мулоқот қилди.

Суҳбат чоғида томонлар ўзаро муносабатларни янада мустаҳкамлаш ва минтақавий ҳамкорликни ривожлантириш, умумий фаровонликка кўмаклашиш масалаларини муҳокама қилдилар.

— Бизнинг мулоқотимиз Ўзбекистон ва Покистон ўртасидаги чуқур ўзаро ишонч ҳамда ўсиб бораётган шерикликни яққол намоён этди, — деб таъкидлади Саидов ўзининг Telegram-каналида.