Ўзбекистон ва Латвия қўшма маслаҳатлашувлар режаларини келишиб олди

Тошкент, Ўзбекистон (UzDaily.uz) — 14 ноябрь куни Ўзбекистон ташқи ишлар вазири ўринбосари Музаффар Мадраҳимов Латвиянинг Ўзбекистондаги элчиси Гиртс Яунземс билан учрашув ўтказди.

Суҳбат давомида сиёсий, иқтисодий ҳамда маданий-гуманитар йўналишларда Ўзбекистон–Латвия ҳамкорлигининг жорий ҳолати ва истиқболлари кўриб чиқилди, шунингдек, 2026 йилга мўлжалланган режалар муҳокама қилинди.

Учрашув якунлари бўйича ТИВнинг тегишли бўлинмалари ўртасида сиёсий ва консуллик масалалари бўйича маслаҳатлашувлар, шунингдек, савдо-иқтисодий ҳамкорлик бўйича Қўшма ҳукуматлараро комиссиянинг навбатдаги йиғилиши ҳамда халқаро автомобиль ташувлари бўйича Қўшма комиссия мажлисини ўтказиш юзасидан келишувларга эришилди.