Тошкент, Ўзбекистон (UzDaily.uz) — Ўзбекистон Республикаси ташқи ишлар вазири Бахтиёр Саидов Иорданиянинг олий таълим вазири Азми Махафза ва мамлакатнинг етакчи университетлари раҳбарлари билан учрашув ўтказди.

Саидов ўзининг Telegram-каналида маълум қилишича, у келажак авлодларнинг таълими узоқ муддатли равнақни таъминлаш учун устувор йўналиш эканини таъкидлаган.

«Бугун биз турли шаклларда кенг қамровли ҳамкорлик бўйича келишувга эришдик. Бу қўшма таълим дастурлари, талабалар алмашинуви, илмий анжуманлар ташкил этиш ва бошқа кўплаб йўналишларни ўз ичига олади», — деди Ўзбекистон ташқи ишлар вазири.