Тошкент, Ўзбекистон (UzDaily.uz) — 2025 йилнинг 8 апрель куни Ўзбекистон Республикаси Инвестициялар, саноат ва савдо вазири ўринбосари Илзат Касимов Хитойнинг Holley Group компанияси директорлар кенгаши раиси Ван Личенг бошчилигидаги делегация билан учрашди.

Holley Group 1970 йилда Чжежианг провинциясида ташкил этилган. Хитойнинг топ-500 йирик хусусий корпорациялар ройхатига киради. Айни пайтда унда 12 мингдан ортиқ киши меҳнат қилади. Компаниянинг умумий активлари қиймати 7,5 миллиард доллардан ошади.

Суҳбатда томонлар Олмалиқ шаҳрида “Буюк ипак йўли” саноат технопарки (227,4 гектар) қурилишининг бугунги ҳолатини муҳокама қилдилар.

Икки тарафлама ҳамкорлик саноат инфратузилмасини ривожлантириш, хорижий инвесторлар учун қулай шарт-шароитлар яратиш ва йирик ишлаб чиқариш корхоналарини Ўзбекистон бозорига жалб этишда муҳим аҳамият касб этишига ишонч билдирилди.