Валюта курслари 29/08/2025
$1 – 12482.38
UZS – 0.56%
€1 – 14540.72
UZS – 1.07%
₽1 – 155.23
UZS – 0.62%
Қидириш
Иқтисод 29/08/2025 Ўзбекистон ва Hebei Boxing Intelligent янги саноат лойиҳаларини йўлга қўймоқда

Ўзбекистон ва Hebei Boxing Intelligent янги саноат лойиҳаларини йўлга қўймоқда

Тошкент, Ўзбекистон (UzDaily.uz) — Хитойга ташриф доирасида Инвестициялар, саноат ва савдо вазирининг биринчи ўринбосари Нозимжон Холмуродов бошчилигидаги «Ўзчармсаноат» уюшмаси делегацияси Hebei Boxing Intelligent Co. LTD компанияси раҳбарияти билан музокаралар ўтказди.

Учрашувда Ўзбекистоннинг индустриал зоналарида ишлаб чиқариш қувватларини ташкил этиш истиқболлари муҳокама қилинди. Биринчи босқичда хитойлик шериклар маҳаллий корхоналар иштирокида махсус пойабзал ишлаб чиқаришни йўлга қўйиш режасини тақдим этди. Тайёр маҳсулот асосан Марказий Осиё ва МДҲ бозорларига йўналтирилади.

Келгусида Hebei Boxing Intelligent Ўзбекистоннинг махсус индустриал ҳудудларида қиймати 10 миллион АҚШ долларига тенг янги саноат лойиҳасини амалга оширишни режалаштирмоқда. Лойиҳанинг амалга оширилиши қўшимча иш ўринлари яратиш, экспорт салоҳиятини ошириш ва ишлаб чиқариш қувватларини кенгайтириш имконини беради.

Ўз навбатида, ўзбек делегацияси мамлакатда хорижий инвесторлар учун яратилган шарт-шароитлар — солиқ ва божхона имтиёзлари, инфратузилмавий қўллаб-қувватлаш ҳамда эркин иқтисодий зоналар имкониятлари ҳақида маълумот тақдим этди. Бу эса келгуси ҳамкорлик учун кенг истиқболлар очиб бериши қайд этилди.

Энг сўнгги янгиликлардан хабардор бўлинг
Телеграм каналимизга обуна бўлинг