Ўзбекистон ва ЕТТБ стратегик ҳамкорликни муҳокама қилишди

Тошкент, Ўзбекистон (UzDaily.uz) — Вазирлар Маҳкамасида Европа тикланиш ва тараққиёт банки (ЕТТБ) биринчи вице-президенти Грег Гуетт билан учрашув бўлиб ўтди.

ЕТТБ Ўзбекистоннинг асосий стратегик ҳамкорларидан бири бўлиб қолмоқда. Сўнгги йилларда Банк мамлакатимизда минтақадаги энг йирик, яъни 7 млрд доллардан ортиқ инвестициялар портфелини шакллантирди.

Биргина 2025 йилда амалга оширилган операциялар ҳажми 1 млрд доллардан ошди, бунда молиялаштиришнинг 85 фоизи хусусий секторга йўналтирилди.

Учрашувда 2026 йилдаги ҳамкорликнинг устувор йўналишлари — хусусий секторни қўллаб-қувватлаш, инфратузилма лойиҳаларини илгари суриш, шунингдек, янги рақамли ечимларни муҳокама қилинди.

Аҳоли ҳаёти сифати ва иқтисодиёт барқарорлиги учун амалий аҳамиятга эга бўлган лойиҳалар: энергетика тармоқларини модернизация қилиш, сув тежовчи ва ирригация тизимларини ривожлантириш, “Ўзбекистон темир йўллари”ни рақамли трансформация қилиш ҳамда шунингдек, Нукус ва Самарқанд шаҳарларига электробуслар етказиб бериш лойиҳаси алоҳида кўриб чиқилди.

Махсус иқтисодий зоналарда инфратузилмани молиялаштиришнинг янги моделларини биргаликда ишлаб чиқишни фаоллаштиришга ҳамда ушбу ечимлар юзасидан яқин орада ўтказиладиган халқаро майдонларда мулоқотни ривожлантиришга келишиб олдилар.

Жамшид Ходжаев Грег Гуеттга конструктив муҳокама ва Ўзбекистон билан ҳамкорлик кўламини кенгайтиришга тайёрлиги учун миннатдорчилик билдирди ва мамлакат иқтисодий ривожланиши учун шерикликнинг стратегик аҳамиятини таъкидлади.