Тошкент, Ўзбекистон (UzDaily.uz) — Жорий йилнинг 13 апрель куни Инвестициялар, саноат ва савдо вазири Лазиз Кудратов Эрон Ислом Республикаси Президентининг халқаро ишлар ва минтақавий ҳамкорлик бўйича биринчи вице-президентининг ўринбосари Али Нажафи Хошрудий билан учрашди.

Мулоқот чоғида Ўзбекистон ва Эрон ўртасидаги савдо-иқтисодий, сармоявий ва транспорт соҳаларидаги ҳамкорликнинг бугунги ҳолати ва янада ривожлантиришнинг устувор йўналишлари муҳокама қилинди. Ўзаро савдода барқарор ва мувозанатли ўсишга эришишга қаратилган қўшма чоралар келишиб олинди.

Шу билан бирга, жорий йилнинг май ойида Теҳрон шаҳрида Ўзбекистон ва Эрон ўртасидаги Қўшма ҳукуматлараро комиссиянинг навбатдаги 16-йиғилиши, қўшма бизнес-форум ва “Made in Uzbekistan” кўргазмасини ўтказиш бўйича келишувга эришилди.