Ўзбекистон ва Арманистон барқарор қишлоқ хўжалиги соҳасидаги ҳамкорликни муҳокама қилди

Тошкент, Ўзбекистон (UzDaily.uz) — Германияда ўтаётган Озиқ-овқат ва қишлоқ хўжалиги бўйича Глобал форум (GFFA) доирасида Арманистон Республикаси иқтисодиёт вазири ўринбосари Арман Ходжоян Ўзбекистон қишлоқ хўжалиги вазири ўринбосари Алишер Шукуров билан ишчи учрашув ўтказди.

Томонлар сув ресурсларидан самарали фойдаланиш масалаларини муҳокама қилиб, қишлоқ хўжалиги маҳсулдорлигини ошириш, иқлим ўзгаришларига мослашиш ва тармоқнинг узоқ муддатли ривожланишини таъминлаш учун сувни бошқаришнинг замонавий ва барқарор усулларини жорий этиш муҳимлигини таъкидладилар.

Мулоқот чоғида аграр соҳанинг асосий жиҳатлари кўриб чиқилиб, барқарор қишлоқ хўжалиги йўналишида икки томонлама ҳамкорликни ривожлантиришнинг истиқболли йўналишлари белгилаб олинди.