Тошкент, Ўзбекистон (UzDaily.uz) — Ўзбекистон Республикаси Президентининг Афғонистон бўйича махсус вакили Исматулла Иргашев Америка Қўшма Штатларининг Ўзбекистондаги Фавқулодда ва Мухтор Элчиси Жонатон Хеник билан музокаралар ўтказди.

Учрашув давомида томонлар Афғонистон масаласи бўйича икки томонлама ҳамкорликнинг жорий ҳолатини муҳокама қилиб, Афғонистондаги вазиятни барқарорлаштириш бўйича мунтазам мулоқотни қўллаб-қувватлашга ўзаро қизиқиш билдирдилар.

Хусусан, халқаро жамоавий саъй-ҳаракатларнинг Афғонистонда барқарорликни таъминлашдаги аҳамияти алоҳида таъкидланди.

Америка томони БМТнинг Қочқинлар ишлари бўйича Олий комиссарлиги (УВКБ) глобал таъминот тармоғига «Термиз Карго Маркази» халқаро транспорт-логистика хаби киритилганини ижобий баҳолади.