Тошкент, Ўзбекистон (UzDaily.uz) — Ўзбекистон Республикаси ташқи ишлар вазири Бахтиёр Саидов Уммон Султонлиги Шура Кенгаши Раиси Халид бин Ҳилал ал-Маавалий билан учрашди.

Музокаралар чоғида томонлар икки мамлакат ўртасидаги икки томонлама ҳамкорликни кенгайтириш ва парламентлараро мулоқотни ривожлантириш масалалари юзасидан атрофлича ва очиқча фикр алмашдилар.

Учрашувда савдо-иқтисодий алоқалар, инвестициялар, таълим ва маданий алмашинув соҳаларида шериклик муносабатларини мустаҳкамлаш истиқболлари муҳокама қилинди.

Томонлар мунтазам сиёсий мулоқотни давом эттириш ва юқори даражадаги ўзаро ташрифларни ташкил этиш муҳимлигини таъкидладилар. Бу эса ўзбек-уммон муносабатларини янада чуқурлаштириш ва давлатлар ўртасида ишончни мустаҳкамлашга хизмат қилади.