Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Испаниянинг мамлакатимиздаги янги элчиси Рикардо Мартинес Васкеснинг ишонч ёрлиқларини қабул қилди.

Дипломат шунингдек, Россия, Туркманистон ва Арманистонда ҳам Испания манфаатларини ифодалайди.

Учрашув давомида Бахтиёр Саидов Тошкент ва Мадрид ўртасидаги икки томонлама алоқалар барқарор ижобий динамикада ривожланаётганини таъкидлади.

Шунингдек, у Ўзбекистон ва Испания ўртасидаги ҳамкорлик салоҳияти жуда юқори эканини қайд этди ва бу имкониятларни амалга оширишда икки мамлакат вазирликлари биргаликда фаол иш олиб боришлари лозимлигини таъкидлади.

Ўзбекистон ташқи ишлар вазири Испания элчисига муваффақиятли ва самарали фаолият тилаб, мамлакатлар ўртасидаги ҳамкорликнинг янги йўналишларини ривожлантириш муҳимлигини алоҳида қайд этди.