Тошкент, Ўзбекистон (UzDaily.uz) — Ўзбекистон Республикаси Ташқи ишлар вазири Бахтиёр Саидов Туркий давлатлар ташкилоти (ОТД) Бош котиби Кубаничбек Омуралиев билан учрашув ўтказди.

Суҳбат чоғида томонлар Туркий давлатлар ташкилотига аъзо барча мамлакатлар билан ҳар томонлама ва барқарор ҳамкорликни мустаҳкамлашга оид долзарб масалаларни атрофлича муҳокама қилдилар. Шунингдек, Ўзбекистон Президенти ташаббуси билан ташкилот доирасида илгари сурилган ғоя ва таклифларни амалга ошириш, ҳамда бундан кейинги ҳамкорликнинг устувор йўналишларини белгилаб олиш юзасидан фикр алмашилди.

Учрашувда, шунингдек, Будапешт шаҳрида бўлиб ўтадиган Туркий давлатлар ташкилоти саммитига тайёргарлик масалаларига алоҳида эътибор қаратилди.