Тошкент, Ўзбекистон (UzDaily.uz) — Ўзбекистон терма жамоаси ўз тарихида илк бор футбол бўйича жаҳон чемпионати — 2026 йилги мундиалга чиқишга муваффақ бўлди.

Саралаш босқичининг учинчи раунди 9-тур учрашувида Темур Кападзе шогирдлари БАА билан 0:0 ҳисобида дуранг ўйнади ва шу тариқа 18 очко тўплаб, "А" гуруҳида 2-ўринни муддатидан илгари таъминлади. Бу натижа жамоага жаҳон чемпионатига тўғридан-тўғри йўлланмани кафолатлайди.

Гуруҳда пешқадамликни ҳозирча 8 та ўйиндан кейин 20 очкога эга бўлган Эрон терма жамоаси сақлаб турибди.

Ўзбекистон терма жамоаси гуруҳ босқичидаги сўнгги учрашувини 10 июнь куни Қатар миллий жамоасига қарши ўтказади.