Тошкент, Ўзбекистон (UzDaily.uz) — 2024 йил 6 декабрь куни Ўзбекистон Республикаси ташқи ишлар вазирининг ўринбосари Олимжон Абдуллаев Чехия Республикаси элчиси Любомир Фрéборт билан учрашув ўтказди.

Учрашувда томонлар икки томонлама муносабатларни мустаҳкамлаш, савдо-иқтисодий ҳамкорликни кенгайтириш, қўшма лойиҳаларни амалга ошириш, меҳнат миграцияси, маданий-гуманитар ва туристик алмашинув соҳаларидаги ҳамкорлик истиқболларини, шунингдек, келгуси икки томонлама тадбирларга тайёргарлик масалаларини муҳокама қилдилар.