Тошкент, Ўзбекистон (UzDaily.uz) — 2025 йил 19 февраль куни Ўзбекистон ташқи ишлар вазири маслаҳатчиси Мунира Аминова Ҳиндистоннинг Ўзбекистондаги Фавқулодда ва Мухтор Элчиси Смита Пант билан учрашув ўтказди.

Суҳбат чоғида икки томонлама ҳамкорликни янада ривожлантириш истиқболлари, жумладан, мамлакатларимиз ўртасидаги сиёсий, иқтисодий ва маданий алоқаларни ривожлантириш масалалари муҳокама қилинди.

Таълим, соғлиқни сақлаш, инфратузилма ва технологиялар каби соҳаларда Ўзбекистоннинг барқарор ривожланишини қўллаб-қувватлашга қаратилган жорий лойиҳалар, шунингдек, янги дастурларга алоҳида эътибор қаратилди.