Тошкент, Ўзбекистон (UzDaily.uz) — 2 февраль куни Ўзбекистон Республикаси ташқи ишлар вазири Бахтиёр Саидов Иордания Бош вазирининг ўринбосари, ташқи ишлар ва мухожирлар ишлари вазири Айман Сафадий билан учрашув ўтказди.

Музокаралар давомида томонлар икки томонлама муносабатларни ривожлантириш истиқболларини муҳокама қилиб, уларга янги суръат бериш муҳимлигини таъкидладилар. Иқтисодий алоқаларни мустаҳкамлаш, сайёҳлик оқимини ошириш, шаҳарлар ва халқлар ўртасидаги ҳамкорликни ривожлантириш, шунингдек, ўзаро боғлиқликни яхшилаш масалаларига алоҳида эътибор қаратилди.

Вазирлар ўзаро манфаатли ташаббусларни амалга ошириш учун катта салоҳият мавжудлигига ишонч билдирдилар. Учрашув давомида савдо-иқтисодий ҳамкорлик, инвестициялар ва гуманитар лойиҳаларни фаоллаштириш бўйича аниқ қадамлар муҳокама қилинди.

Мазкур мулоқот икки давлатнинг ўзаро манфаатли ҳамкорликни мустаҳкамлаш ва шериклик муносабатларини ривожлантиришга интилишини тасдиқлайди.