Ўзбекистон словениялик инвесторларга кончилик лойиҳаларини тақдим этди

Тошкент, Ўзбекистон (UzDaily.uz) — 2025 йил 17 ноябрь куни Ўзбекистон Республикаси инвестициялар, саноат ва савдо вазири Лазиз Кудратов Словениянинг геология ва минерал ресурслар соҳаси вакиллари билан Любляна шаҳрида бўлиб ўтган давра суҳбатида иштирок этди.

Учрашув давомида инвестиция муҳитини яхшилашга қаратилган ислоҳотлар, жумладан, шафофликни оширадиган ва экологик хавфсизликнинг замонавий стандартларини белгилайдиган янгиланган Ер ости бойликлари тўғрисидаги кодекс таъкидлаб ўтилди.

Ўзбекистоннинг саноат ишлаб чиқариши ҳамда «яшил» энергетика технологияларида талаб юқори бўлган нодир ер элементлари сегментидаги салоҳияти қайд этилди.

Ўзбекистон фақат қазиб олиш эмас, балки хомашёни қайта ишлаш ва юқори қўшимча қийматга эга маҳсулотлар ишлаб чиқариш бўйича қўшма лойиҳаларни амалга оширишга ҳам қизиқиш билдирмоқда.

Словениялик компанияларга истиқболли инвестиция лойиҳалари тақдим этилди. ИССВ раҳбари Словения технологик имкониятлари ва Ўзбекистоннинг ресурс салоҳияти уйғунлашуви барқарор етказиб бериш занжирларини шакллантириш ҳамда саноат кооперацияси учун янги истиқболлар очишига ишонч билдирди.