Тошкент, Ўзбекистон (UzDaily.uz) — "Natur Food GmbH" — "Ahinur" бренди остида фаолият юритувчи улгуржи ва чакана савдо компанияси. Ушбу корхона Туркияда ишлаб чиқарилган маҳсулотларни Нидерландия, Дания, Белгия, Франция ва Австрия каби Европа мамлакатларига экспорт қилади.

Ташриф давомида Ўзбекистоннинг озиқ-овқат маҳсулотларига мавжуд талаблар таҳлил қилиниб, маҳсулот сифатини яхшилашга қаратилган масалалар муҳокама қилинди.

"Natur Food GmbH" корхонаси томонидан Ўзбекистонда қадоқлаш ва калибирлаш марказини очиш бўйича таклифлар кўриб чиқилиб, келгуси йили ушбу корхона вакилларининг Ўзбекистонга ташрифни амалга ошириш ва ташриф доирасида мазкур лойиҳани амалга ошириш бўйича чора-тадбирлар ишлаб чиқишга келишиб олинди.