Тошкент, Ўзбекистон (UzDaily.uz) — Ўзбекистон Россия, Қозоғистон ва Озарбайжон фуқаролари учун мамлакат ҳудудига қисқа муддатли кириш имконини ички шахсни тасдиқловчи ҳужжат ёки ID-карта орқали жорий этишни режалаштирмоқда. Нобалоғат ёшдаги фуқаролар эса шу мақсадда “киндер-паспорт”дан фойдаланишлари мумкин бўлади. Бундай ҳужжат билан Ўзбекистонда қолишнинг энг кўп муддати 30 кунни ташкил этади.

Мазкур ташаббус Президент Шавкат Мирзиёевнинг 15 майда имзоланган, сайёҳлар оқимини кескин ошириш бўйича чора-тадбирларга бағишланган фармонида назарда тутилган. Ички ишлар вазирлигига ушбу мамлакатлар билан чегарадан ўтишнинг янги тартибини келишиш юзасидан музокаралар олиб бориш вазифаси юклатилган. Бу жараён уч ой муддатда амалга оширилиши керак.

Эслатиб ўтамиз, Ўзбекистон бундай механизмни биринчи бўлиб Қирғизистон билан амалга оширган — ID-карталар орқали киришга оид тегишли келишув 2023 йили эришилган эди.