Ўзбекистон Президентининг янги маслаҳатчилари тайинланди

Тошкент, Ўзбекистон (UzDaily.uz) — Ўзбекистон Республикаси Президентининг тегишли фармонларига мувофиқ, давлат раҳбарининг маслаҳатчилари таркибида кадрлар ўзгаришлари амалга оширилди.

Равшан Гулямов Президентнинг ҳудудий ривожланиш масалалари бўйича маслаҳатчиси этиб тайинланди. У бунгача Президентнинг иқтисодий сиёсат масалалари бўйича маслаҳатчиси лавозимида фаолият юритган.

Обид Арзикулович Хакимов Ўзбекистон Республикаси Президентининг иқтисодий сиёсат бўйича маслаҳатчиси лавозимига тайинланди. Унинг аввалги лавозими Президентнинг иқтисодий сиёсат масалалари бўйича маслаҳатчиси ўринбосари бўлиб, Иқтисодий тадқиқотлар ва ислоҳотлар марказига раҳбарлик қилган.

Азиз Юлдашевич Магрупов Ўзбекистон Республикаси Президентининг ҳудудий ривожланиш бўйича маслаҳатчиси ўринбосари лавозимига тайинланди. У бунгача Президентнинг хорижий инвестициялар масалалари бўйича вакили лавозимида ишлаган.