Ўзбекистон олимпия терма жамоаси Саудия Арабистонида бўлиб ўтадиган Осиё кубоги U-23 мусобақасидаги рақибларини билиб олди.

Тошкент, Ўзбекистон (UzDaily.uz) — AFC U-23 Asian Cup Saudi Arabia 2026™ мусобақаси доирасида ўтказилган қуръа натижасига кўра, Равшан Ҳайдаров шогирдлари С гуруҳига тушишди. Уларнинг рақиблари Жанубий Корея, Эрон ва Ливан терма жамоалари бўлади.

Мусобақа 2026 йил 7 январдан 25 январгача давом этади. Ўзбекистон ўз иштирокини Ливанга қарши баҳс билан бошлайди, кейин Эронга қарши майдонга тушади ва гуруҳ босқичини Жанубий Кореяга қарши учрашув билан якунлайди.