Ўзбекистон Марказий банки тўртта тижорат банкининг лицензияларини янгилади

Тошкент, Ўзбекистон (UzDaily.uz) — Ўзбекистон Марказий банки бошқаруви тўртта тижорат банкининг лицензияларини янгилади, деб хабар қилди регулятор матбуот хизмати.

“Smart bank” акциядорлик жамиятининг номи “Open bank” акциядорлик жамиятига ва жойлашган ери (почта манзили) ўзгарганлиги муносабати билан унга берилган банк фаолиятини амалга ошириш ҳуқуқини берувчи лицензия қайта расмийлаштирилди.

“Hayot bank” акциядорлик жамиятининг жойлашган ери (почта манзили) ўзгарганлиги муносабати билан унга берилган банк фаолиятини амалга ошириш ҳуқуқини берувчи лицензия қайта расмийлаштирилди.

“Anor bank” акциядорлик жамиятининг жойлашган ери (почта манзили) ўзгарганлиги муносабати билан унга берилган банк фаолиятини амалга ошириш ҳуқуқини берувчи лицензия қайта расмийлаштирилди.

Эрон "Soderot" банкининг Ўзбекистон Республикаси Тошкент шаҳридаги шўба банкининг ташкилий-ҳуқуқий шакли "шўба" жамият шаклидан “акциядорлик жамияти” шаклига, банк номи "Soderot" банкка ҳамда жойлашган ери (почта манзили) ўзгарганлиги муносабати билан ушбу банкнинг банк фаолиятини амалга ошириш ҳуқуқини берувчи лицензия қайта расмийлаштирилди.