Ўзбекистон кончилик вазири ўринбосари ЕТТБ билан соҳага сармоя киритишни муҳокама қилди

Тошкент, Ўзбекистон (UzDaily.uz) — 2025 йил 15 октябрь куни Тоғ-кон саноати ва геология вазири ўринбосари У. Юсупов, вазирлик мутасаддилари билан биргаликда Европа тикланиш ва тараққиёт банкининг Бошқарув директори Жан-Марк Петершмитт бошчилигидаги делегация билан учрашди.

Томонлар ҳамкорликда эришилган натижалар, биргаликда амалга оширилаётган лойиҳалар ва келгуси қадамлар юзасидан фикр алмашишди. Хусусан, “Ер қаъри тўғрисидаги” янги таҳрирдаги қонун ишлаб чиқилиб, ўтган йили кучга киргани юқори баҳоланди. Шунингдек ушбу қонун асосида, қонуности ҳужжатлар ишлаб чиқиш истиқболлари муҳокама этилди.

Европа тикланиш ва тараққиёт банки вакиллари томонидан тоғ-кон саноати соҳасига инвестицияларни жалб қилиш, жумладан Ўзбекистондаги лойиҳаларга инвестиция киритиш банкнинг асосий йўналишларидан бири эканлиги таъкидланди.