Ўзбекистон Дубайда бўлиб ўтган Пара-атлетика Гран-присида 12 та медални қўлга киритди

Тошкент, Ўзбекистон (UzDaily.uz) — Бирлашган Араб Амирликларининг Дубай шаҳрида пара енгил атлетика бўйича Гран-при туркумидаги халқаро мусобақа ўз ниҳоясига етди.

Дунёнинг 46 та мамлакатидан 400 нафарга яқин спортчи иштирок этган нуфузли мусобақада Ўзбекистон терам жамоаси аъзолари ҳам баҳс олиб борди. Якунда вакилларимиз томонидан 2 та олтин, 6 та кумуш ҳамда 4 та бронза медаллари қўлга киритилди.

Маҳлиё Акрамова ва Хуршид Қодиров булава улоқтиришда олтин медални қўлга киритдилар.

Кумуш медалларни Хуршид Қодиров ва Баротжон Бахтиров ядро улоқтиришда, узунликка сакрашда ва 100 метрга югуришда, шунингдек, Толиббой Йўлдошев ядро улоқтиришда ва Темур Гиязов узунликка сакрашда қўлга киритдилар.

Бронза медалларини Жасур Ходжаев ва Ойбек Бердияров ядро улоқтиришда, Содиқжон Мамадиев узунликка сакрашда ва Азизбек Абдукаримов ядро улоқтиришда қўлга киритдилар.

Бу муваффақиятлар ўзбек спортчиларининг юқори даражадаги тайёргарлигини тасдиқлайди ва мамлакатнинг параатлетика бўйича халқаро майдондаги мавқеини мустаҳкамлайди.