Ўзбекистон делегацияси Инсеон шаҳрида бўлиб ўтган AFSN ялпи мажлисида иштирок этмоқда

Тошкент, Ўзбекистон (UzDaily.uz) — Жанубий Кореянинг Инчон шаҳрида Осиё суд экспертиза тармоғининг (AFSN) Ялпи йиғилиши ва Осиё Тинч океани тиббий-ҳуқуқий агентликлари Ассоциациясининг (AMPLA) учрашуви бўлиб ўтмоқда. Унда Адлия вазирлиги ва Х. Сулаймонова номидаги Республика суд экспертиза маркази делегацияси иштирок этмоқда.

Тадбирнинг навбатдаги кунида Марказ делегацияси томонидан AFSN бошқарув кенгаши вице президенти Леэ Бонг Воо, АФСН бошқарув кенгаши аъзоси - Данило Аламбан Басас, Суд экспертиза халқаро ассоциацияси (IAFS) президенти Янко Колев, Сидней Технология Университети Суд экспертиза маркази директори Слауде Роух ва Соимбра университети профессори Дуарте Виеиралар билан учрашувлар ўтказилди.

Учрашувларда юртимизда суд экспертиза соҳасида амалга оширилаётган ислоҳотлар ва эришилган натижалар ҳақида маълумотлар берилиб, суд экспертиза соҳасида кенг қамровли ҳамкорлик масалалари муҳокама этилди.

Хусусан, AFSN бошқарув кенгаши вице президенти - Жанубий Корея Миллий суд экспертиза хизмати (National Forensic Service - NFS) раҳбари Леэ Бонг Воо билан учрашув давомида Марказ ва NFS ўртасида ҳамкорлик алоқаларини ўрнатиш имкониятлари муҳокама этилди ва ҳамкорлик меморандуми имзолашга келишиб олинди.

Бундан ташқари, Суд экспертиза халқаро ассоциацияси (IAFS) президенти Янко Колев билан учрашув давомида амалдаги ҳамкорликни янада кенгайтириш ҳамда Суд экспертиза халқаро ассоциациясининг (IAFS) навбатдаги Ялпи йиғилишида Ўзбекистон Суд экспертиза муассасалари делегациясининг иштирок этиш масаласи муҳокама этилди.