Ўзбекистон China Coal билан кўмир қазиб олиш ва қайта ишлаш технологияларини муҳокама қилди

Тошкент, Ўзбекистон (UzDaily.uz) — Тоғ-кон саноати ва геология вазири ўринбосари Р. Юсупов ҳамда China Coal Resources Development Group компанияси вакиллари билан учрашув бўлиб ўтди.

China Coal Resources Development Group вакиллари кўмир қазиб чиқариш ва қайта ишлашда замонавий технологиялар асосида самарадорликни ошириш, энергетика соҳасига интеграция, инновациялар ва трансформация бўйича илғор технологиялар ишлаб чиқиш таклифларини бердилар.

Учрашув якунида ҳамкорликни кенгайтириш, қўшма лойиҳаларни амалга ошириш ва келгусидаги алоқаларни мустаҳкамлаш борасида фикр алмашилди.