Ўзбекистон Cauldron Energy билан кончилик истиқболларини муҳокама қилмоқда

Тошкент, Ўзбекистон (UzDaily.uz) — 2026 йил 26 март куни Ўзбекистон Республикаси Тоғ-кон саноати ва геология вазири ўринбосари У. Юсупов "Cauldron Energy" компанияси ижрочи директори Ж. Фишер билан учрашди.

Музокаралар давомида вазир ўринбосари Ўзбекистон тоғ-кон саноатининг бугунги ҳолати ва соҳада амалга оширилаётган асосий ислоҳотлар ҳақида батафсил маълумот берди.

Айниқса, 2024 йилда қабул қилинган янги таҳрирдаги “Ер қаъри тўғрисида”ги қонун соҳанинг инвесторлар учун шаффофлигини ошириш ва хорижий компаниялар билан ҳамкорлик қилиш учун янада қулай шароитлар яратишга хизмат қилаётгани алоҳида таъкидланди.

Компания вакиллари Вазирлик ва унинг тизимости корхоналари билан келгусидаги ҳамкорлик истиқболларини муҳокама қилишга катта қизиқиш билдирдилар.