Ўзбекистон бахтлилик рейтингида 53-ўринни сақлаб қолди

Тошкент, Ўзбекистон (UzDaily.uz) — Ўзбекистон 147 та мамлакат орасидаги глобал World Happiness Report рейтингида 53-ўринни сақлаб қолди. Мамлакат бахтлилик даражаси 10 баллдан 6,283 балл билан баҳоланди.

Республика позицияси ўтган йилга нисбатан ўзгаришсиз қолди.

Рейтингни шакллантиришда асосий ижтимоий-иқтисодий кўрсаткичлар ҳисобга олинади. Улар қаторига аҳоли жон бошига тўғри келадиган ялпи ички маҳсулот даражаси, ижтимоий қўллаб-қувватлаш даражаси, кутилётган умр давомийлиги, фуқаролик эркинликлари даражаси, бандлик кафолатлари, коррупцияни қабул қилиш даражаси, шунингдек социологик сўровлар натижалари киради.

Марказий Осиё давлатлари орасида энг юқори ўринни Қозоғистон эгаллаб, 33-поғонага жойлашди. Қирғизистон 66-ўринни, Тожикистон эса 88-ўринни эгаллади. Туркманистон эса тадқиқотга киритилмаган.

Рейтинг етакчиси яна Финляндия деб топилди, охирги ўринни эса Афғонистон эгаллади.