Тошкент, Ўзбекистон (UzDaily.uz) — 2025 йил 1 январ ҳолатига кўра, Ўзбекистон Республикасида аҳолининг ўртача ёши 29,3 йилни ташкил этди, бу эса дунё бўйича ўртача кўрсаткич — 30,9 йилдан бироз паст. Бу ҳақда Ўзбекистон Республикаси Миллий статистика қўмитаси хабар бермоқда.

Ўзбекистонда ҳам, бутун дунёда ҳам ўртача ёш кўрсаткичида барқарор ўсиш кузатилмоқда.

1991 йилда Ўзбекистонда ўртача ёш 22,9 йилни ташкил этган, дунёда эса бу кўрсаткич 23,3 йил бўлган.

1995 йилда Ўзбекистонда — 23,4 йил, дунёда — 24,0 йил.
2000 йилда — Ўзбекистонда 24,3 йил, дунёда 25,1 йил.
2005 йилда — 25,7 ва 26,2 йил.
2010 йилда — 26,9 ва 27,2 йил.
2015 йилда — 28,1 ва 28,3 йил.
2020 йилда — 29,0 ва 29,6 йил.
2025 йилга келиб эса — Ўзбекистонда 29,3 йил, дунёда 30,9 йил.