Ўзбекистон 96 та медал билан Рияд-2025 ўйинларида иккинчи ўринни эгаллади

Тошкент, Ўзбекистон (UzDaily.uz) — Эр-Риядда бўлиб ўтган VI Ислом бирдамлиги ўйинларида 96 та медал қўлга киритган Ўзбекистон делегацияси мусобақани муваффақиятли якунлаб, умумжамоавий ҳисобда иккинчи ўринни эгаллади.

Спортчиларимиз мамлакат тарихидаги энг яхши натижалардан бирини қайд этиб, 29 та олтин, 35 та кумуш ва 32 та бронза медалларини қўлга киритишди.

Биринчи ўринни 155 та медал тўплаган Туркия эгаллади — 72 та олтин, 44 та кумуш ва 39 та бронза. Учинчи ўринга эса 29 та олтин, 19 та кумуш ва 33 та бронза медаллари билан Эрон жамоаси чиқди.

Марказий Осиё давлатлари орасида энг юқори натижани Ўзбекистон қайд этди, қўшни мамлакатлардан олдинда бўлди: Қозоғистон 56 та медал, жумладан 15 та олтин, 20 та кумуш ва 21 та бронза медали билан умумжамоавий ҳисобда еттинчи ўринни эгаллади.

Ўзбек спортчиларининг бу юксак ютуқлари мамлакатнинг Ислом бирдамлиги спорт ассоциацияси аъзолари орасида етакчи спорт давлатларидан бири эканини яна бир бор тасдиқлади.