Тошкент, Ўзбекистон (UzDaily.uz) — 2025 йилнинг дастлабки тўрт ойида Ўзбекистон 5,2 минг тонна ерёнғоқни 4,9 миллион АҚШ доллари миқдорида экспорт қилди. Бу ҳақда Миллий статистика қўмитаси маълумотларида қайд этилган.

Экспортнинг энг катта қисми Қозоғистонга тўғри келди — бу давлатга 2,1 минг тонна маҳсулот юборилган.

Қолган асосий импортёрлар қуйидагилар:

Озарбайжон — 629 тонна,

Россия — 533 тонна,

Покистон — 497 тонна,

Туркманистон — 417 тонна.

Бундан ташқари, тахминан 958 тонна ерёнғоқ бошқа давлатларга экспорт қилинди.