Тошкент, Ўзбекистон (UzDaily.uz) — 2025 йилнинг январ–апрель ойларида Ўзбекистон 22 минг тонна сабзи экспорт қилган бўлиб, умумий қиймати 4,1 миллион АҚШ долларини ташкил этди. Бу ҳақда Миллий статистика қўмитаси хабар бермоқда.

Ўзбек сабзисининг асосий импортчилари қўшни давлатлар бўлди: энг кўп ҳажмда Қирғиз Республикасига — 11 573 тонна, Қозоғистонга — 6 017 тонна ва Россияга — 4 276 тонна юборилди.

Бундан ташқари, сабзи Украинага (64 тонна), Тожикистонга (60 тонна) ва яна бир қатор бошқа давлатларга (41 тонна) ҳам экспорт қилинди.