Ўзбекистон 2030 йилга қадар BBB+ рейтингини олишни ва кейинги 3 йил ичида 12 IPO ўтказишни мақсад қилмоқда

Тошкент, Ўзбекистон (UzDaily.uz) — Ўзбекистон 2030 йилга қадар инвестиция кредит рейтингига эришиш ва 29 та йирик давлат корхонасини хусусийлаштиришни мақсад қилган.

Бу ҳақда 23 октябрь куни Тошкентда Ўзбекистон Миллий инвестиция фондини (UzNIF) бошқарувчиси “Franklin Templeton“ томонидан ташкил этилган “Investor Day“ тадбирида Бош вазир ўринбосари ҳамда иқтисодиёт ва молия вазири Жамшид Қўчқоров маълум қилди.

Қўчқоровнинг сўзларига кўра, Президент Шавкат Мирзиёев ҳукуматга 2030 йилга қадар BBB+ даражасида инвестиция рейтингини таъминлашни топширди (ҳозир Ўзбекистон “S&P“ томонидан BB+ рейтингига эга, Қозоғистонда эса BBB-).

Ўзбекистон Осиё Тараққиёт Банки ва Жаҳон Банки билан ҳамкорликда 2026–2030 йилларга мўлжалланган давлат корхоналари ва банкларни хусусийлаштириш стратегиясини ишлаб чиқмоқда, ҳужжат йил охиригача тасдиқланиши кутилмоқда.

2028 йилга қадар “UzAuto Motors“, “UMS“, “Ўзметкомбинат“ ва “Навоиязот“ каби 29 йирик корхонани хусусийлаштириш режалаштирилган. Кейинги 3 йил ичида 12 йирик компания ички ва халқаро биржаларда IPO ва SPO ўтказади.

UzNIF Тошкент ва Лондон биржаларида қўшма листинг қилишни режалаштирмоқда, акцияларни 75% гача жойлаштириш имконияти билан институционал инвесторларни жалб қилиш ва бозорни янада ликвид ҳамда диверсификацияланган қилиш мақсад қилинмоқда.