Ўзбекистон 2030 Стратегияси: 2026-йилда пасайган газ қазиб олиш 2027-йилдан бошлаб барқарорлашади

Тошкент, Ўзбекистон (UzDaily.uz) — 2027 йилдан бошлаб Ўзбекистонда табиий газ қазиб олиш ҳажмларининг барқарор ўсиши кутилмоқда. Бу ҳақда 2026 йил 16 февралда Президент томонидан тасдиқланган янгиланган «Ўзбекистон–2030» стратегиясида қайд этилган.

Ҳужжатга кўра, 2025 йилда мамлакатда 41,7 млрд куб метр газ ишлаб чиқарилган бўлиб, унинг асосий қисми — 25,2 млрд куб метри «Ўзбекнефтгаз» ҳиссасига тўғри келган.

Бироқ, Миллий статистика қўмитаси илгари 42,3 миллиард кубометр кўрсаткични эълон қилган эди, тафовут сабаби аниқланмаган.

2026 йилда газ қазиб олиш ҳажми 1,5 млрд куб метрга ёки 3,6 фоизга камайиб, 40,2 млрд куб метрни ташкил этиши прогноз қилинмоқда.

2027 йилдан эса кўп йиллик барқарор ўсишга ўтиш кутилмоқда: 2027 йилда қазиб олиш ҳажми 42,9 млрд куб метрга етши мумкин, бу олдинги йилга нисбатан 6,7 фоизга кўп. 2028 йилда кўрсаткич 44,5 млрд куб метрни, яъни 3,7 фоизлик ўсишни, 2029 йилда 45,5 млрд куб метрни, яъни 2,2 фоизлик ўсишни, 2030 йилга келиб эса 48,5 млрд куб метрни, яъни 6,5 фоизлик ўсишни ташкил этиши кутилмоқда.

Таққослаш учун айтиш жоизки, 2023 йил сентябрда тасдиқланган аввалги стратегияда 2030 йилга келиб газ қазиб олиш ҳажми 62 млрд куб метр бўлиши тахмин қилинган эди. Шундай қилиб, мақсадли кўрсаткич қайта кўриб чиқилиб, 21,7 фоизга, яъни 13,5 млрд куб метрга камайтирилди.

Шунингдек, тасдиқланган стратегия версияси 2025 йил декабрда Президент топшириғига кўра жамоатчилик муҳокамасига қўйилган лойиҳадан сезиларли даражада фарқ қилиши таъкидланган. Ўшанда 2026–2028 йиллар оралиғида газ қазиб олиш ҳажми пасайишда давом этиши назарда тутилган эди.

Лойиҳа ва тасдиқланган таҳрир маълумотларига кўра, динамика қуйидагича: 2026 йилда прогноз 37,9 млрд ўрнига 40,2 млрд куб метрни ташкил этди, яъни 6 фоизга юқори. 2027 йилда 35,6 млрд ўрнига 42,9 млрд куб метр, яъни 20,5 фоизга кўп. 2028 йилда 33,4 млрд ўрнига 44,5 млрд куб метр, яъни 33,2 фоизга кўп. 2029 йилда 41,2 млрд ўрнига 45,5 млрд куб метр, яъни 10,4 фоизга кўп. 2030 йилга келиб эса 38,7 млрд ўрнига 48,5 млрд куб метр, яъни 25,3 фоизга юқори кўрсаткич қайд этилган.