Ўзбекистон 2026 йил бошида УзНИФъни Лондонда IPO қилишни режалаштирмоқда

Тошкент, Ўзбекистон (UzDaily.uz) — “Bloombergг“ хабарига кўра, Ўзбекистон ўзининг Миллий инвестиция жамғармасини (УзНИФ) Лондон фонд биржасида листинга чиқаришга тайёргарлик кўрмоқда. Бу мамлакат тарихида Лондондаги биринчи листинг бўлади.

“Franklin Templeton“ томонидан бошқариладиган УзНИФ акцияларни Лондонда ҳам, Тошкентда ҳам сотиш учун зарур ҳужжатларни тайёрламоқда. Агентликнинг вазиятдан хабардор манбаларига кўра, дастлабки оммавий таклиф (IPO) 2026 йилнинг И чорагидаёқ бошланиши мумкин.

Сентябрь ойида фонд потенциал жойлаштиришни ташкил қилишда ёрдам берадиган банкларни танлаб олди. Ўша ойда Ўзбекистон Президенти Шавкат Мирзиёев ҳукуматнинг УзНИФ портфелини инвесторлар учун жозибадорлигини ошириш мақсадида уни қайта тузиш маъқуллади.

Бу орада дунёдаги энг йирик олтин ишлаб чиқарувчи компаниялардан бири бўлган «НКМК»нинг ИПЎга чиқиш жараёни секинлашмоқда. Манбаларнинг таъкидлашича, “НКМК“ апрель ойидаги президент қарорига қарамай, Лондонда IPO ўтказиши эҳтимолдан йироқ.