Тошкент, Ўзбекистон (UzDaily.uz) — 

2025 йилнинг дастлабки икки ойи давомида Ўзбекистон 1 581 тонна олма экспорт қилди. Бу 934,6 минг АҚШ долларига тенг тушумни ташкил этди. Бу ҳақда Миллий статистика қўмитаси хабар берди.

Бу кўрсаткич ўтган йилнинг мос даврига нисбатан 5,1 баробарга кўп — ўсиш 1 272 тоннага тенг бўлди.

Ўзбек олмалари асосан МДҲ давлатларига экспорт қилинган. Энг йирик импортчи давлат сифатида Россия қайд этилди — ушбу мамлакат ҳиссаси 1 020 тоннани ташкил қилди.

Иккинчи ўринда Қозоғистон — 341,4 тонна, ундан кейин Туркманистон (148,6 тонна) ва Муғулистон (40 тонна) келмоқда.

Қолган мамлакатлар жами 30,9 тонна мевани харид қилган.