Ўзбек теннисчилари Камилла Раҳимова ва Полина Кудерметова Australian Open турниридаги рақибаларини билишди

Тошкент, Ўзбекистон (UzDaily.uz) — Ўзбек теннисчилари мавсумдаги биринчи «Катта шлем» турнири — Австралия очиқ чемпионатининг асосий тўрида кимга қарши майдонга тушиши маълум бўлди.

Қура ташлаш натижаларига кўра, Камилла Раҳимова биринчи давра учрашувида АҚШ вакили, жаҳон рейтингида учинчи ўринни эгаллаб турган Кори Гауфф билан беллашади.

Полина Кудерметова эса турнирдаги иштирокини испаниялик теннисчи Гуйомар Де Реалесга қарши баҳс билан бошлайди.

Ўзбекистон теннисчилари иштирокидаги биринчи давра учрашувлари 18 январь кунига белгиланган.