Тошкент, Ўзбекистон (UzDaily.uz) — Ўзбекистон Республикаси Вазирлар Маҳкамаси ҳузуридаги Атом энергетикаси агентлиги («Ўзатом») ва Европанинг етакчи компанияларидан бири — итальянча Ansaldo Energia ўзаро англашув тўғрисида меморандум имзоладилар. Бу ҳақда агентлик директори Азим Аҳмедхаджаев ўзининг LinkedIn саҳифасида маълум қилди.

У таъкидлаганидек, Италия Бош вазири Жоржа Мелонининг Ўзбекистонга қилган ташрифи икки давлат ўртасидаги муносабатларда янги саҳифа очди. Самарқандда бўлиб ўтган музокараларда стратегик шерикликни кенгайтириш масалалари муҳокама қилинди ҳамда бир қатор муҳим келишувлар имзоланди. Шу жумладан, атом энергиясидан тинч мақсадларда фойдаланиш бўйича ҳамкорлик ҳужжати алоҳида аҳамиятга эга бўлди.

Меморандум доирасида қуйидаги йўналишларда ҳамкорлик кўзда тутилмоқда:

• Кадрлар салоҳиятини ошириш
• Саноат алоқаларини йўлга қўйиш
• Италиянинг илғор технологиялари ва тажрибасидан фойдаланиш

Ansaldo Energia — электр станциялари учун жиҳозлар, жумладан газ ва пар турбиналари лойиҳалаш ва ишлаб чиқаришга ихтисослашган йирик компания. Шунингдек, унинг дочер компанияси орқали атом энергетикаси соҳасида ҳам фаолият олиб боради:

• Янги атом станциялари лойиҳалашда инновацион ёндашув
• Эски объектларни хавфсиз тарзда эксплуатациядан чиқариш
• Радиоактив чиқиндиларни самарали бошқариш

Бу ҳамкорлик Ўзбекистонда атом энергетикаси соҳасини ривожлантиришда муҳим босқич бўлиб, соҳада халқаро стандартлар ва хавфсизлик мезонларига мос ёндашувларни жорий этишга хизмат қилади.