Нурлан Сабуровга Россияга кириш 50 йилга тақиқланди

Тошкент, Ўзбекистон (UzDaily.uz) — Комик Нурлан Сабуровга Россияга кириш 50 йил муддатга тақиқланди, деб хабар берди РИА Новости ва ТАСС ҳуқуқни муҳофаза қилувчи органларга таяниб.

Уларнинг маълумотларига кўра, мазкур қарор миллий хавфсизлик манфаатлари, қонунчиликка риоя этиш ва анъанавий маънавий-ахлоқий қадриятларни ҳимоя қилиш мақсадида қабул қилинган.

Манбаларга асосан, чекловлар махсус ҳарбий операцияни танқид қилиш, шунингдек миграция ва солиқ қонунчилигини бузиш ҳолатлари билан боғлиқ.

Қайд этилишича, Сабуров Россияда топган даромадларини воситачилар орқали легаллаштиришга уринган. Шу билан бирга, унинг Россиядаги мол-мулки қиймати 60 миллион рублдан ошиши айтилмоқда.

Хабарлар эълон қилинган пайтда комик Внуково аэропортида бўлган.